Pres-sakratar BPC Siarhiej Lepin napisaŭ zajavu na zvalnieńnie
Jak stała viadoma «Našaj Nivie», pres-sakratar BPC Siarhiej Lepin napisaŭ zajavu na zvalnieńnie. Jana jašče nie padpisanaja kiraŭnictvam.
Fota krynica.info
«Ja nie budu dadatkova raspaŭsiudžvacca na hety kont. Kali na hetuju temu zachoča pahavaryć moj pierajemnik, to tak toje i musić być. Ale tut i havaryć niama ab čym asabliva. Nu napisaŭ, nu čakaju… Spadziajusia, što ŭsio budzie dobra: i ŭ infarmacyjnaj słužby, jakuju ja pakidaju, i ŭ mianie, i ŭ nas usich. Dziakuj usim tym ŚMI, chto supracoŭničaŭ i supracoŭničaje z BPC. I vybačajcie, kali što», — skazaŭ Lepin «Našaj Nivie».
Chto zamienić Lepina, pakul nieviadoma, adnym ź imaviernych pierajemnikaŭ nazyvajecca ijeramanach Afanasij (Sakałoŭ), prarektar Minskaj duchoŭnaj akademii.
Raniej Lepina piersanalna raskrytykavaŭ Alaksandr Łukašenka za tyja acenki, jakija śviatar daŭ dziejańniam siłavikoŭ, što razburyli miemaryjały zabitamu Bandarenku.
Pres-sakratar BPC nazvaŭ baraćbu ź miemaryjałami Bandarenki «sataninskim»
Prakuratura papiaredziła Kasabuckaha i Lepina za ich krytyčnyja vykazvańni
«Ja hatovy». Biskup Kasabucki nie vyklučaje, što suprać jaho mohuć zavieści kryminalnuju spravu
