U Oršy na žyłym domie namalavali vialiki partret Uładzimira Karatkieviča FOTAFAKT
U Oršy — rodnym horadzie Uładzimira Karatkieviča — da 90-hodździa z dnia jaho naradžeńnia namalavali murał u honar litaratara. Vialiki partret kłasika ŭpryhožyŭ žyły dom na rahu vulic Uładzimira Karatkieviča i Marata, piša Tut.by.
U eskizie vykarystany malunki Karatkieviča i frahmienty jaho rukapisaŭ. Aŭtar hrafici — aršanski mastak Dźmitryj Tałkačoŭ.
Murał źjaviŭsia pa inicyjatyvie miecenata Andreja Bałabina, jaki ŭ kastryčniku 2018 hoda nabyŭ rodny dom Uładzimira Karatkieviča ŭ Oršy i płanuje pieratvaryć jaho ŭ muziej i centr kultury.
Ściana budynka, na jakoj namalavali partret Karatkieviča, vychodzić na vulicu ŭ jaho honar i znachodzicca za paru mietraŭ ad doma, dzie naradziŭsia litaratar. Tut jon napisaŭ adzin z samych viadomych svaich tvoraŭ — «Dzikaje palavańnie karala Stacha».
