Rada Zadzinočańnia biełaruskich studentaŭ abviarhaje infarmacyju ab supracy z Vaskrasienskim i jaho «kruhłym stałom»
Rada ZBS zajaviła, što nie viadzie nijakich pieramovaŭ z Vaskriesienskim i jahonym «Kruhłym stałom». Taksama nieviadoma pra nivodny vypadak kamunikacyi aktyvistaŭ ZBS z hetaj inicyjatyvaj.
«Adzinymi, chto mahli by heta rabić, — prychilniki i prychilnicy, jakija znachodziacca ŭ SIZA. ZBS z razumieńniem stavicca da takoha ich kroku i nie ličyć ich dziejańni zdradaj. Takoje rašeńnie było, chutčej za ŭsio, pryniata ŭ źniavoleńni i pad katavańniami ci pahrozaj. Dla nas zastaniecca važniejšym ich vyzvaleńnie i zdaroŭje, jak psichičnaje tak i fizičnaje», — paviedamlajecca ŭ zajavie.
«Zadzinočańnie biełaruskich studentaŭ nahadvaje, što lubyja pieramovy mahčymy tolki ŭ vyniku vykanańnia troch umovaŭ:
1. Spynieńnie hvałtu.
2. Vyzvaleńnie ŭsich palitźniavolenych.
3. Zajava Łukašenki ab sychodzie», — adznačajecca ŭ zajavie studentaŭ.