Dzieci na placoŭkach Biełarusi ciapier hulajuć u demanstrantaŭ — śpiecyjalny repartaž Bi-Bi-Si
Suśvietnyja ŚMI praciahvajuć ašałomlena sačyć za našaj krainaj.
Pratestoŭcy ŭ Biełarusi praciahvajuć vychodzić na vulicy pad pahrozaj aryštu i źbićcia. Ciapier hetyja sceny razyhryvajucca nie tolki na vulicach, ale i na dziciačych placoŭkach, paviedamlaje ŭ svaim repartažy BBC.
Źjavilisia videaroliki i fotazdymki dziciačych hulniaŭ, jakija adlustroŭvajuć situacyju ŭ krainie. U sacyjalnych sietkach publikujucca videaroliki z udziełam biełaruskich dziaciej na hulniavoj placoŭcy. Dzieci imitujuć žorstkaść milicyi. U takich hulniach dzieci dzielacca na dźvie kamandy. Z adnaho boku — AMAP; ź inšaha — pratestoŭcy. «AMAP» pieraśleduje i zatrymlivaje demanstrantaŭ — hetaksama, jak milicyja robić heta ŭ haradach pa ŭsioj Biełarusi ŭžo bolš za try miesiacy.
