KDB skončyŭ rasśledavańnie spravy «Biełhazprambanka» — Babaryka nie pryznaŭ vinu
Śledčaje upraŭleńnie KDB skončyła papiaredniaje rasśledavańnie kryminalnaj spravy ŭ dačynieńni da top-mieniedžaraŭ Biełhazprambanka.
Były pretendent na pasadu prezidenta Viktar Babaryka nazvany «arhanizataram złačynnaj hrupy». Jamu vystaŭlena abvinavačvańnie ŭ ździajśnieńni złačynstvaŭ, praduhledžanych č. 3 art. 430 [da 15 hadoŭ źniavoleńnia], č. 2 art. 235 KK [da 7 hadoŭ] pa faktach atrymańnia chabaru arhanizavanaj hrupaj u asabliva bujnym pamiery, a taksama lehalizacyi («admyvańnia») srodkaŭ, atrymanych złačynnym šlacham u asabliva bujnym pamiery adpaviedna.
Babaryka nie pryznaŭ vinu. U paviedamleńni KDB havorycca, što ŭsie astatnija pryznali vinu.
Namieśnikam staršyni praŭleńnia banka Siarhieju Šabanu, Alaksandru Iljasiuku, Kiryłu Badzieju, Dźmitryju Kuźmiču, a taksama byłym pieršamu namieśniku staršyni praŭleńnia Alaksieju Zadojku i namieśniku staršyni praŭleńnia Siarhieju Dabraletu vystaŭlena abvinavačvańnie ŭ ździajśnieńni złačynstva, praduhledžanaha č. 3 art. 430 KK.
Zasnavalniku TAA «Aktyŭlizinh» Viktaru Kabiaku vystaŭlena abvinavačvańnie ŭ ździajśnieńni złačynstva pa č. 2 art. 431 KK (davańnie chabaru ŭ bujnym pamiery).
