Adzin z dyrektaraŭ EPAM Ihar Aŭsianik atrymaŭ 15 sutak
dev.by
Siońnia ŭ sudzie Kastryčnickaha rajona Minska słuchałasia sprava Ihara Aŭsianika, Senior Director EPAM. Jaho asudzili na 15 sutak (sudździa — Rudenka), paviedamlaje dev.by sa spasyłkaj na pravaabaroncaŭ.
Aŭsianik prachodziŭ pa artykule 23.34 KaAP «Parušeńnie paradku arhanizacyi abo praviadzieńnia masavych mierapryjemstvaŭ». Dzie jon budzie adbyvać aryšt, pakul nieviadoma.
Ihar Aŭsianik byŭ zatrymany ŭ niadzielu, žonka raspaviadała, što dyrektar EPAM spačatku trapiŭ u Pieršamajskaje RUUS, a zatym byŭ dastaŭleny na Akreścina. Dahetul nieviadoma, pry jakich abstavinach jon byŭ zatrymany.
Pres-słužba EPAM nie zmahła prakamientavać zatrymańnie supracoŭnika.
Ihar Aŭsianik pracuje ŭ EPAM amal 22 hady. Pačaŭ z pasady Software Testing Manager, doŭhi čas byŭ dyrektaram Biełaruskaha ofisa, potym kiravaŭ piersanałam u Vialikabrytanii, Hiermanii, Niderłandach, Šviejcaryi i Aŭstryi. Ciapier kiruje prajektami ŭ Indyi, Niderłandach, Mieksicy, Kitai, Vjetnamie, nakiravanymi na intehracyju novych padraździaleńniaŭ u kampaniju.