Śviedki z AMAP pryznali, što na videa i na łavie ŭ sudzie — roznyja ludzi. Ale čałavieku ŭsio adno dali 15 sutak
22 listapada ŭ Minsku zatrymali 34-hadovaha prahramista Uładzimira Čystaforava. Pratakoł tradycyjny — 23.34.
«Uładzimir — typovy ajcišnik. Cichi, dobry intraviert, u bojkach zaŭvažany nikoli nie byŭ», — raskazała «Našaj Nivie» jaho siabroŭka.
Paśla zatrymańnia chłopca advieźli ŭ Savieckaje RUUS, paśla etapiravali ŭ Žodzina.
Siońnia Čystaforava sudzili ŭ sudzie Savieckaha rajona Minska. Sudździa — Alena Žukovič.
Jak pieradajuć vałanciory, jakija prysutničali ŭ zale suda, heta było ŭnikalnaje pasiadžeńnie. Śviedki z AMAPa pryznali, što na milicejskim videa, pradastaŭlenym u sud, byŭ nie Čystaforaŭ, a inšy čałaviek. Prosta padobnyja kolery adździeńnia.
Čystaforaŭ z pratakołam byŭ niazhodny. Sud abvieściŭ pierapynak, kab razabracca. Ale vynik byŭ tradycyjny — 15 sutak.
