«Žyvie biełarus». Papularnaja rasijskaja spartyŭnaja hazieta vyjšła siońnia z takoj vokładkaj FOTA
Viadomaja rasijskaja spartyŭnaja hazieta «Sovietskij sport» vyjšła siońnia z fatahrafijaj treniera Viktara Hančarenki na pieršaj pałasie i zahałoŭkam «Žyvie biełarus».
Artykuł pryśviečany kamandzie Hančarenki CSKA — jana zaniała pieršaje miesca ŭ tablicy pa vynikach pieršaha kruha ŭ rasijskaj premjer-lizie. Hančarenka treniruje CSKA sa śniežnia 2016 hoda.
Praŭda, u artykule skieptyčna staviacca da šancaŭ CSKA na pieramohu ŭ čempijanacie, kamanda tolki na adzin bał apiaredžvaje «Zienit», dy hulnia ŭ apošnich matčach padviarhajecca krytycy.
Taksama ŭspomnili i biełaruskaha hulca Illu Škuryna, jaki mienš za hod tamu pierajšoŭ u CSKA, ale tak i nie zamacavaŭsia ŭ asnovie:
«Biełarus Illa Škuryn tryvała siadzić u zapasie. Apošniaja navina pra jaho była z palityčnym kantekstam — hulec admoviŭsia hulać za zbornuju svajoj krainy, pakul prezident tam Alaksandr Łukašenka. Jamu ciapier važniej, kab «Žyvie Biełaruś»…»
