U Minzdaroŭja raskazali pra stan minskich školnikaŭ, špitalizavanych paśla masavaha atručeńnia
Stan vučniaŭ siaredniaj škoły №61 Minska, špitalizavanych u dziciačuju infiekcyjnuju balnicu, na ranicu 21 listapada — stabilny, piša telehram-kanał Ministerstva achovy zdaroŭja. — Usiaho, za viečar i noč sa skarhami na samaadčuvańnie, u pryjomny pakoj balnicy źviarnulisia 23 dziciaci. Piać dziaciej paśla ahladu i kansultacyi śpiecyjalistaŭ byli adpuščanyja dadomu. Pa stanie na 9:00 adzin vypisany ŭ suviazi z palapšeńniem. Astatnim 17 akazvajecca miedycynskaja dapamoha.
Siońnia častka dziaciej, paśla ahladu, taksama mahčyma buduć vypisanyja. Usich dziaciej ahledzieli śpiecyjalisty balnicy i kafiedraŭ dziciačych infiekcyjnych chvarob BDMU i BiełMAPA.
Siońnia taksama budzie aktyŭny abzvon vučniaŭ škoły dla ŭdakładnieńnia i maksimalnaha vyjaŭleńnia mahčymych skarhaŭ.
Masavaje atručeńnie školnikaŭ u Minsku. Kala 61-j škoły chutkija, dzieci skardziacca na šaŭrmu
Śledčy kamitet raspačaŭ pa fakcie masavaha atručeńnia kryminalnuju spravu.