Pieršy enierhabłok BiełAES adnaviŭ pracu
Pieršy enierhabłok Biełaruskaj atamnaj elektrastancyi la Astraŭca ŭklučany ŭ sietku.
Heta zroblena paśla praviadzieńnia rabot pa zamienie transfarmataraŭ napružańnia ŭ vymiaralnych łancuhach hienieratarnaha vyklučalnika, a taksama vyprabavańniaŭ ciepłaenierhietyčnaha abstalavańnia, nieabchodnych vymiareńniaŭ i daśledavańniaŭ, paviedamlaje Minenierha ŭ svaim telehram-kanale.
Uklučeńnie enierhabłoka ŭ sietku i nabor nahruzki praviedzieny ŭ adpaviednaści z patrabavańniami technałahičnaha rehłamientu biaśpiečnaj ekspłuatacyi biez zaŭvah.
Reaktar pieršaha enierhabłoka pracuje na mahutnaści 40% ad naminalnaj. Praciahvajucca vyprabavańni sistem i abstalavańnia enierhabłoka. Zhodna z hrafikam zbudavańnia BiełAES da etapu dośledna-pramysłovaj ekspłuatacyi pieršaha enierhabłoka płanujecca pačać u śniežni, paviedamlaje Minenierha.
Nahadajem, što AES uračysta adkryŭ 7 listapada, ale 9 lisitapada praca była prypyniena z-za pałomki taho samaha abstalavańnia.
