IIHF kančatkova nie vyznačyłasia, što rabić z čempijanatam śvietu pa chakiei ŭ Biełarusi
Mižnarodnaja fiederacyja chakieja (IIHF) učora razhledzieła spravazdaču pra situacyju ŭ Biełarusi. Jana vyklikała surjoznyja dyskusii ŭ siabraŭ fiederacyi. Kančatkovaha rašeńnia pakul nie pryniata.
«U Biełarusi ŭźnikajuć ciažkaści, da jakich nieabchodna stavicca surjozna, bo isnuje značnaja ryzyka taho, što ciapierašnija prablemy ŭ Minsku, pazicyja ŭrada Łatvii (suarhanizatara) i pandemija COVID-19 zrobiać značny ŭpłyŭ na čempijanat śvietu-2021», — adznačyŭ staršynia fiederacyi Rene Faziel.
Darečy, učora IIHF admianiła niekalki turniraŭ z-za karanavirusa.
U spravazdačy padkreślivajucca dźvie prablemy:
— biaśpieka ŭdzielnikaŭ i hledačoŭ,
— sumnievy ŭ praŭdzivaści aficyjnych źviestak pra situacyju z COVID-19.
Fazel vykazaŭ nadzieju, kab turnir prajšoŭ u Biełarusi i Łatvii. Ale IIHF budzie jašče vyśviatlać, ci budzie praviadzieńnie čempijanatu biaśpiečnym i ci zmohuć suarhanizatary ŭzajemadziejničać adzin z adnym. Da pytańnia viernucca, mierkavana, u studzieni.
Raniej Łatvija ŭžo zajaviła, što hatovaja pravieści čempijanat sama. Jana maje dźvie areny. Raniej mierkavałasia, što adna hrupa (vosiem kamandaŭ) budzie hulać u Ryzie, druhaja ŭ Minsku. Paŭfinały i finał projduć u Minsku.