«Hazieta Słonimskaja» prypyniła svoj vychad na paŭhoda
Pra heta paviedamiła z-za miažy vydaviec «Haziety Słonimskaj» i haziety «Addušyna» Hanna Vaładaščuk, piša BAŽ.
— Naša pryvatnaje ŭnitarnaje pradpryjemstva (PUP «Redakcyja haziety «Hazieta Słonimskaja») nakiravała ŭ Mininfarmacyi, na Biełpoštu i ŭ padatkovuju inśpiekcyju paviedamleńnie ab prypynieńni dziejnaści pa vydańni našych papiarovych haziet z 10 listapada 2020 hoda pa 9 traŭnia 2021 hoda. U nas zabrali ŭsiu techniku, usie nośbity inarmacyi, pahražali kryminalnaj spravaj biez usialikich na toje zakonnych padstaŭ. U takich umovach vydavać hazietu stała niemahčyma, a nam daviałosia vyjechać za miežy Biełarusi. Spadziajusia, kali situacyja źmienicca, my zmožam adnavić vychad našych haziet, — skazała Hanna Vaładaščuk.
Što da sajta gs.by, to redakcyja šukaje mahčymaści adnavić jaho pracu.
9 listapada biez papiaradžańnia, ale z sankcyjaj prakuratury milicyjaniery spačatku pryjšli z vobšukam u kvateru Hanny Vaładaščuk, adkul zabrali 2 kampjutary i ŭsie nośbity infarmacyi, a potym takim ža čynam vynieśli ŭsiu kampjutarnuju techniku z redakcyi, paralizavaŭšy pracu pa vypusku čarhovaha numara haziety.
Učora stała viadoma, što časova prypyniaje vychad na papiery i «Narodnaja vola».
