Makiej: Biełaruś prypyniaje dyjałoh pa pravach čałavieka ź ES
Biełaruś prypyniaje dyjałoh pa pravach čałavieka ź Jeŭrapiejskim sajuzam. Pra heta zajaviŭ ministr zamiežnych spraŭ Biełarusi Uładzimir Makiej siońnia ŭ efiry BT.
«My nie bačym sensu dalej praciahvać ź Jeŭrapiejskim sajuzam dyjałoh pa pravach čałavieka. I my prypyniajem hety dyjałoh da taho času, pakul ES nie prymie rašeńnia ab źmienie palityki Jeŭrapiejskaha banka rekanstrukcyi i raźvićcia i Jeŭrapiejskaha inviestycyjnaha banka, jakija na hetym etapie pryniali rašeńnie zamarozić prahramy supracoŭnictva ź Biełaruśsiu», — skazaŭ ministr.
Uładzimir Makiej taksama padkreśliŭ: «My nie bačym asablivaha sensu pracavać paŭnavartasna ŭ ramkach inicyjatyvy «Uschodniaje partniorstva». Usie hetyja miery źjaŭlajucca tolki adkazam na tyja aburalnyja destruktyŭnyja kroki, jakija raspačali našy jeŭrapiejskija partniory ŭ adnosinach da Biełarusi».
