Iduć sudy nad žurnalistami, zatrymanymi 15 listapada: 7, 15, 25 sutak
Žurnalist BiełaPAN Andrej Šaŭluha byŭ zatrymany ŭ niadzielu na maršy pamiaci Ramana Bandarenki. Siońnia jaho pakarali aryštam na 15 sutak (sudździa Małaščanka).
Taras Kruckich (Tarnalicki)
Taras Kruckich (Tarnalicki) atrymaŭ 25 sutak pavodle dvuch pratakołaŭ (sudździa Šaciła).
Kaciarynie Andrejevaj dali 7 sutak aryštu, pryznali vinavataj pavodle 23.34 i 23.4 KaAP (sudździa — Volha Niaborskaja).
Pavodle pratakołu Kaciarynu zatrymlivali na vulicy i jana prymała ŭdzieł u niesankcyjanavanym masavym mierapryjemstvie, chacia jana z 12 da 17-30 znachodziłasia ŭ kvatery na Smarohskim trakcie na 14 paviersie, što paćvierdziŭ na sudzie śviedka — haspadar kvatery Dźmitryj, piša Biełsat
Jak raspaviała Kaciaryna na sudzie, jaje zatrymlivali ŭ kvatery, dźviery vyłamali, zabiehli kala 10 śpiecnazaŭcaŭ. Jany nie tłumačyli ničoha, prosta skazali, kab źbiralisia i išli ź imi. Hvałtu padčas zatrymańnia nie było.
U RUUS Kaci stała kiepska, jana adčuła rezki bol ŭ hałavie, jaje vyrvała, Kacia straciła prytomnaść. Vyklikali chutkuju, dastavili pad kanvojem u 9-ju balnicu. Ničoha surjoznaha nie znajšli, ale prapisali paścielny režym, poŭny spakoj i abaviazkovy vizit da nieŭrołaha na nastupny dzień. Ale ranicaj 16 listapada jaje zabrali ŭ RUUS, a adtul dastavili ŭ CIP.
***
Usiaho ŭ niadzielu byli zatrymanyja — u Minsku, i inšych haradach — 24 žurnalisty. 13 čałaviek vyzvalili viečaram, abo ŭ noč na niadzielu (z pratakołami i biez). Videaapieratar Andrej Rabčyk atrymaŭ učora 15 sutak.
Učora paśla Maršu piensijanieraŭ byli zatrymanyja Alaksandra Kvitkievič i Maksim Łaŭrecki.
