Akajannyja dni Biełarusi: «Narodnaja vola» časova nie budzie drukavacca
Minuły numar haziety, jakaja apošnija try miesiacy drukavałasia ŭ Maskvie, byŭ kanfiskavany prosta ŭ redakcyi. A potym i rasijskaja drukarnia razarvała damovu pad ciskam Rasspažyŭnahladu.
Tamu pakul u papiarovym vyhladzie hazieta biare tajm-aŭt.
«Pieryjadyčnaść vychadu haziety zastajecca raniejšaj — aŭtorak i piatnica. Farmat, abjom i styl viorstki nie mianiajucca. Tolki peŭny pieryjad «Narodnaja Vola» budzie źjaŭlacca nie ŭ papiarovym varyjancie, a tolki ŭ elektronnym na sajcie nv-online.info».
«Razumiejem, heta čarhovyja niazručnaści dla niekatoraj katehoryi čytačoŭ, u pieršuju čarhu tych, chto nie vałodaje kampjutaram. Što ž, daražeńkija, treba pieražyć hetyja akajannyja dni. Nad Biełaruśsiu apuściłasia ciomnaja noč, ale budziem aptymistami: voś-voś nadydzie śvitańnie», — kaža Iosif Siaredzič.
«Narodnaja vola» — adno z najstarejšych niezaležnych vydańniaŭ Biełarusi. Zasnavana ŭ lipieni 1995 hoda. Kali nie było mahčymaści drukavacca ŭ Biełarusi, vydavałasia ŭ Vilni, Smalensku.
Numary možna spampavać tut
