SK zavioŭ kryminalnuju spravu pa «masavych biesparadkach» 15 listapada
Kryminalnaja sprava pa fakcie arhanizacyi dziejańniaŭ, jakija hruba parušajuć hramadski paradak, i aktyŭnaha ŭdziełu ŭ ich pa č. 1 art. 342 zaviedziena rajadździełam SK Frunzienskaha rajona Minska.
«15 listapada na terytoryi stalicy prajšli niesankcyjanavanyja masavyja mierapryjemstvy, padčas jakich zatrymany šerah hramadzian, jakija hruba parušyli hramadski paradak. Ich dziejańni byli spałučanyja ź vidavočnym niepadparadkavańniem patrabavańniam pradstaŭnikoŭ ułady i paciahnuli parušeńnie pracy transpartu i arhanizacyj», — havorycca z paviedamleńni SK.
Adznačajecca, što byli paškodžanyja abjekty haradskoj infrastruktury i transpartnyja srodki supracoŭnikaŭ milicyi. Pa hetym fakcie raspačaty kryminalnyja spravy pa č. 1 art. 339 (chulihanstva) Kryminalnaha kodeksa.
