Asnoŭnaje za 15 listapada
Dziasiatki tysiač minčukoŭ vyjšli na marš pamiaci zamučanaha Ramana Bandarenki. Kolkaść zatrymanych, pa našych acenkach, pieravysiła 1100 čałaviek.
Pratesty znoŭ achapili ŭsiu Biełaruś: vyjšli Homiel, Viciebsk, Hrodna, Baranavičy, Lida, Salihorsk, Maładziečna, Žodzina dy inšyja harady.
Minčuki stali śviedkami dramatyčnych scen u zachodnich i paŭnočnych kvartałach horada. Siłaviki razhramili miemaryjał Ramana Bandarenki na płoščy Pieramien i zładzili abłavu ŭ kvartale vakoł jaje. Abłava praciahvajecca ŭžo bolš za 8 hadzin. U kvartale zatrymlivajuć usich, chto tam nie prapisany.
Pres-sakratar Biełaruskaj pravasłaŭnaj carkvy nazvaŭ akt źniščeńnia miemaryjała Bandarenki «sataninskim».
Suprać mirnych demanstrantaŭ u Minsku ŭžyvali śviatłošumavyja hranaty i ślezaciečny haz. Jość paranienyja.
Siarod zatrymanych siońnia — try vybitnyja ankołahi z RNPC imia Alaksandrava, u tym liku namieśnik dyrektara instytuta Pavieł Maisiejeŭ; viadomy vydaviec, 74-hadovy Barys Pastarnak; vybitny historyk Anton Dackievič; akcior Illa Jasinski; dva dziasiatki žurnalistaŭ, u tym liku fatohraf «Našaj Nivy» Šura Pilipovič-Suščyc i žurnalistka «Biełsata» Kaciaryna Andrejeva.
