«Ukrpošta» praciahvaje na svaich markach tapić rasijski vajskovy fłot
«Ukrainskaja pošta» praciahnuła svaju napaŭžartoŭnuju sieryju paštoŭnych marak, pryśviečanuju rasijskamu vajskovamu fłotu, značnaja častka jakoha z pačatku poŭnamaštabnaj vajny była patoplenaja ŭkrainskimi vajskoŭcami. Ciapierašni padychod — bolš kompleksny.
«Naš novy paštovy vypusk — «Russkij vojennyj fłot — do dna!» U im — tyja karabli, jakija stali najbolšymi stratami voraha z pačatkam paŭnamaštabnaha ŭvarvańnia. Tak, pakul što «Admirał Makaraŭ», jakoha my taksama vyjavili na marcy, zastajecca nie paškodžanym. Ale pa vopycie marki «Ruski vajenny karabiel, idzi…!» viedajem, što heta tolki pytańnie času», — piša «Ukrpošta».
Pry hetym ukrainskija paštaviki nahadvajuć, što raniej užo byŭ vypadak, što «Ukrpošta patapiła «russkij vojennyj korabl» na svajoj marcy jašče da taho, jak heta stała realnaściu. Havorka idzie pra kolišniaha fłahmana rasijskaha Čarnamorskaha fłota, krejsier «Maskva», jaki ŭkraincam udałosia zatapić 14 krasavika 2022 hoda.
Čytajcie taksama:
Ukraincy vypuścili marki, pryśviečanyja pratestam u Biełarusi i 100-hodździu BNR
«Ruski vajenny karabiel, idzi na …» pryznanaja najlepšaj markaj śvietu ŭ 2022 hodzie
Ukrpošta vypuścić novuju marku z vajennym karablom
«Ukrpošta» prezientavała novuju marku ź sieryi pra ruski vajskovy karabiel
