U Babrujsku 22-hadovaha chłopca pakarali za piarcovy bałončyk u vočy siłaviku
bobr.by
Vyniesieny prysud pa kryminalnaj spravie žychara Babrujska 22-hadovaha Jahora Chramieni, jakoha vinavacili ŭ hvałcie nad supracoŭnikam milicyi (art. 364 KK), paviedamlaje spring96.org.
13 listapada sudździa Babrujskaha rajonnaha suda Anton Dudal pryznaŭ Chramieniu vinavatym i abvieściŭ prysud: 2 hady pazbaŭleńnia voli ŭ kałonii ahulnaha režymu z vypłataj maralnaj škody ŭ pamiery 1 000 rubloŭ.
Paciarpieły, supracoŭnik milicyi Dźmirtyj Sakun na papiarednim sudovym pasiadžeńni patrabavaŭ kampiensacyju ŭ pamiery 5 tysiač rubloŭ.
Maładoha babrujčanina abvinavačvali ŭ tym, što ŭviečary 9 žniŭnia jon «ździejśniŭ hvałt u dačynieńni da supracoŭnika orhanaŭ unutranych spraŭ u metach pieraškodzić jaho zakonnaj dziejnaści». Havorka idzie pra ŭdary ŭ hałavu i raspyleńnie piarcovaha bałončyka «Šok», jakoje pryviało da apioku siatčatki voka.