Dadomu da vykładčyka BDUIR Volhi Fiłatčankovaj pryjšli siłaviki
BiełTA
Da vykładčyka z kafiedry prahramnaha zabieśpiačeńnia infarmacyjnych technałohij BDUIR Volhi Fiłatčankovaj siońnia ranicaj dadomu ŭvarvalisia siłaviki. Hetuju infarmacyju paćvierdziŭ dev.by kandydat techničnych navuk, dacent kafiedry elektronnych vyličalnych sistem BDUIR Dźmitryj Samal:
— Tak. Jana mnie asabista telefanavała ŭ hety momant, u 10:40. I za chvilinu da hetaha adpisałasia z takim ža paviedamleńniem u naš vykładčycki čat. Ciapier telefon jašče žyvy, ale słuchaŭku nie zdymajuć, — skazaŭ Dźmitryj.
U tielehram-kanałach źjaviłasia infarmacyja, što Volhu Fiłatčankovu zatrymali ŭ ŽK «Kaskad» — tudy siońnia ranicaj taksama pryjechali siłaviki, jakija abšukvajuć kvatery miascovych aktyvistaŭ. Ale Dźmitryj Samal hetuju infarmacyju abvierh. Jon kaža, Volha žyvie niedaloka ad MDŁU.
U administracyi VNU skazali, što ciapier raźbirajucca — vyśviatlajuć usie akaličnaści.