U Armienii zatrymali 15 lidaraŭ apazicyi. Ich vinavaciać u arhanizacyi niezakonnych akcyj
Hahik Carukian, lidar «Kvitniejučaj Armienii», fota Radyjo Svaboda Armienija
Pa fakcie niezakonnaha praviadzieńnia i arhanizacyi mitynhaŭ u Jerevanie było zatrymana 10 čałaviek, piša arminfo.
Pavodle krynicy, byli zatrymanyja kiraŭnik partyi «Kvitniejučaja Armienija» Hahik Carukian, pres-sakratar Respublikanskaj partyi Armienii Eduard Šarmazanaŭ, pradstaŭnik partyi «Dašnakcuciun» Hieham Manukian, člen RPA David Ambarcumian, były vice-śpikier Nacyjanalnaha schodu Ara Saakian.
Jany zatrymanyja pa art. 225.1, heta značyć za arhanizacyju masavych biesparadkaŭ, jakija supravadžajucca hvałtam, prymianieńniem zbroi albo akazańniem supracivu pradstaŭnikam ułady.
Byli taksama zatrymanyja pradstaŭnik partyi «Dašnakcuciun» Išchan Sahatelan, kiraŭnik partyi «Nacyjanalnaja biaśpieka» Harnik Isahulan, kiraŭnik partyi «Adzinaja Armienija» Artur Hazinian. Im pradjaŭlenaje abvinavačvańnie pa 307.1 artykule KK RA, heta značyć parušeńnie praviłaŭ abychodžańnia z dakumientami abo kampjutarnaj infarmacyjaj, jakija źmiaščajuć dziaržaŭnuju tajnu. Papiaredniaje śledstva praciahvajecca.
U Jerevanie ad aŭtorka prachodziać pratesty. Vialiki mitynh prajšoŭ u sieradu. Pratestoŭcy vystupajuć suprać pahadnieńnia ab Nahornym Karabachu, jakoje padpisaŭ z Alijevym i Pucinym premjer Nikoł Pašynian. Zhodna ź im Armienija idzie na sastupki ŭ karabachskim kanflikcie i addaje zachoplenyja ŭ Azierbajdžana terytoryi. U Armienii heta ličać parazaj, i apazicyja patrabuje adstaŭki Pašyniana.