U Pleščanicach ablili farbaj budynak sielvykankama
mlyn.by
Fasad sielvykankama ŭ Pleščanicach ablili nočču 12 listapada niejkim rečyvam, jak miarkujecca, adpracavanym mašynnym alejem, paviedamlaje mlyn.by.
Rečyva naniesienaje nie tolki na fasad budynka, ale i na dziaržaŭny hierb nad uvachodam. Jak zaznačyli ŭ milicyi Łahojskaha rajona — heta asnova dla zaviadzieńnia kryminalnaj spravy.
Jak rastłumačyŭ načalnik milicyi hramadskaj biaśpieki Łahojskaha RAUS Illa Łonski, adpracavany mašynny alej maje dastatkova ahresiŭnyja ŭłaścivaści, tamu zvyčajnaje pierafarboŭvańnie ścien moža być biessensoŭnym. Chutčej za ŭsio, fasadu spatrebicca bolš surjozny ramont z vydaleńniem vierchniaha płasta tynkoŭki.
Budynak sielvykankama nie byŭ abstalavany kamieraj videanazirańnia, — kaža Illa Łonski, i złamyśniki, vidać, viedali heta.
