Łukašenka pavinšavaŭ palakaŭ i prezidenta Dudu z Dniom Niezaležnaści i zaprasiŭ da dyjałohu
Alaksandr Łukašenka pavinšavaŭ prezidenta Polščy Andžeja Dudu i hramadzian hetaj krainy z Nacyjanalnym śviatam niezaležnaści, paviedamlaje pres-słužba.
«Biełarusam i palakam losam pryznačana žyć pobač u miry i zhodzie. U siońniašnich niaprostych abstavinach nieabchodna zachavać naša dobrasusiedstva jak hałoŭnuju kaštoŭnaść, jakuju my atrymali ŭ spadčynu i pavinny pieradać svaim naščadkam», — havorycca ŭ vinšavańni.
Alaksandr Łukašenka zaprasiŭ Andžeja Dudu da kanstruktyŭnaha dyjałohu pra budučyniu biełaruska-polskaha supracoŭnictva. «Tolki pracujučy razam, zmožam zachavać prykmietnyja dasiahnieńni ŭ handli, pramysłovaj kaapieracyi, navucy, adukacyi i inšych śfierach. Heta adkazvaje jak nacyjanalnym intaresam abiedźviuch dziaržaŭ, tak i žadańniam miljonaŭ žycharoŭ našych krain», — padkreśliŭ jon.
Jašče 7 listapada na adkryćci AES pad Astraŭcom Łukašenka kazaŭ pra susiedziaŭ nastupnaje:
«Ja chaču jašče raz źviarnucca [da kiraŭnictva Litvy] siońnia z hetaj placoŭki — Biełaruskaj AES: davajcie žyć družna (…) Davajcie žyć narmalna! My ž susiedzi, a susiedziaŭ nie vybirajuć».
«Toje ž samaje ja chaču skazać i polskamu kiraŭnictvu: ničoha ŭ vas nie atrymajecca. My nie staniem na kaleni.
My adkažam, i ja ŭžo kazaŭ: navat kali zastaniemsia adny ŭ akružeńni, my adkažam. Dumaju, jany heta zrazumieli, — dadaŭ jon. — Davajcie pracavać razam, my hatovyja adkryta supracoŭničać».
