U Kalinkavičach u dvary pryvatnaha doma namalavali bieł-čyrvona-bieły murał — adrazu ž pryjšli milicyja i kamunalniki
U adnym z pryvatnych dvaroŭ na vulicy Hieołahaŭ u Kalinkavičach 7 listapada źjaviŭsia bieł-čyrvona-bieły murał. Paśla abiedu 8 listapada, pakul haspadaroŭ nie było doma, rabotniki žyllova-kamunalnaj haspadarki zafarbavali jaho brudna-čyrvonaj farbaj. Ale kalinkavickija aktyvisty, sabraŭšysia vialikaj tałakoj, užo ŭviečary jaho admyli, paviedamlaje «Paleskaja viasna».
A 10-j hadzinie ranicy na nastupny dzień, 9 listapada, da dvara, u jakim raźmieščany murał, pryjechaŭ narad milicyi i krychu paźniej znoŭ bryhada kamunalnikaŭ ź viodrami farby. Pakolki haspadary admovilisia puskać niaprošanych haściej u dvor, da miesca prybyŭ ažno namieśnik načalnika Kalinkavickaha RAUS, načalnik milicyi hramadskaj biaśpieki Dźmitryj Volak. Jon sprabavaŭ daviedacca prava vałodańnia i pražyvańnia haspadarami kvatery, la jakoj namalavali murał. Haspadynia pakazała jamu prapisku ŭ hetym adrasie ŭ pašparcie. Ale jon usio adno chacieŭ niejkija dakumienty, maŭlaŭ, treba ŭpeŭnicca ŭ zakonnaści hetaj prapiski, što heta žyłoje pamiaškańnie.
Paśla taho jak haspadary pačali zdymać na videa, kamunalniki źjechali. Milicyjaniery pakinuli hetaje miesca paśla sprečak, paabiacaŭšy vyklikać haspadaroŭ pozvami ŭ milicyju.