Režysiora Juru Dzivakova aštrafavali na 270 rubloŭ
Jura Dzivakoŭ (źleva) u «Sabakach Jeŭropy», fota Svabodnaha teatra
Režysiora Juru Dzivakova zatrymali ŭ niadzielu na maršy pratestu. Noč jon pravioŭ u Žodzina. Siońnia adbyŭsia sud, jaki pastanaviŭ aštrafavać jaho na 10 bazavych (270 rubloŭ).
Jura Dzivakoŭ — adzin z samych jarkich sučasnych biełaruskich režysioraŭ. Jon pastaviŭ «Paviatovaha lekara» i «Pieśniu pieśniaŭ».
Taksama jon viadomy jak akcior i mastak. Apošni hod pracavaŭ u Svabodnym teatry.
Aproč taho, siońnia byli vyniesienyja nastupnyja prysudy:
Žanna Vaškievič — apieracyjnaja miedsiastra RNPC Dziciačaj ankałohii i hiematałohii (zatrymanaja 7 listapada) — 15 sutak aryštu.
Miedyk Ihar Batalevič — 14 sutak aryštu.
Natalla Dambroŭskaja, doktar łabaratornaj dyjahnostyki RNPC Ankałohii i miedycynskaj radyjałohii — štraf 810 rubloŭ.
Paet i žurnalist Pavieł Horbač — 15 sutak aryštu.
