U rasijskim Varoniežy vajskoviec ź siakieraj i aŭtamatam napaŭ na ludziej na vajennym aeradromie
Na vajennym aeradromie ŭ Varoniežy sałdat terminovaj słužby, uzbrojeny aŭtamatam i siakieraj, napaŭ na ludziej. Pra heta paviedamlaje «Padjom» u svaim telehram-kanale.
Nadzvyčajnaje zdareńnie adbyłosia kala 5-j hadziny 9 listapada. Vajskoviec adabraŭ siakieru ŭ hramadzianina, a zatym pačaŭ stralać z aŭtamata.
Pavodle papiarednich źviestak, troje zahinuli, jašče adzin čałaviek paranieny. Ich vyjavili ŭ słužbovym pamiaškańni aeradroma.
Napadnik uciok ź miesca złačynstva. Pa inšych źviestkach, vajskoviec zabarykadavaŭsia na terytoryi častki. Krynica «Interfaksa» śćviardžaje, što z padazravanym, zabłakavanym u adnym z pamiaškańniaŭ aeradroma, viaducca pieramovy.
«Vieści Varoniež» apublikavali aryjenciroŭku — heta 20-hadovy Anton Makaraŭ. Pry sabie ŭ jaho mohuć być pistalet i dva mahaziny z patronami.
