«Karabach — naš!» Azierbajdžan zajaŭlaje pra ŭziaćcie Šušy, Armienija abviarhaje
Prezident Azierbajdžana Ilcham Alijeŭ 8 listapada padčas zvarotu da nacyi zajaviŭ pra toje, što ŭzbrojenyja siły krainy ŭziali pad kantrol horad Šušy ŭ Nahornym Karabachu.
«Pieramožnaja azierbajdžanskaja armija vyzvaliła horad Šušy ad akupacyi. Šušy — naš! Karabach — naš! U hetaj suviazi ad usiaho serca vinšuju ŭvieś azierbajdžanski narod! Ad usiaho serca vinšuju ŭsich šušyncaŭ!» — zajaviŭ Alijeŭ.
Šuša — stratehična važny horad, jon pa sutnaści źjaŭlajecca pryharadam Ściapanakierta. Praz Šušu prachodzić klučavaja daroha, jakaja źviazvaje Nahorny Karabach z Armienijaj.
U svaju čarhu Armienija abviarhaje ŭziaćcie stratehična važnaha horada.
«Bai ŭ Šušy praciahvajucca, čakajcie i viercie našaj armii», — napisaŭ u fejsbuku aficyjny pradstaŭnik Minabarony krainy Arcrun Avanisian.
