7 listapada ŭ Biełarusi było zatrymana nie mienš za 116 čałaviek
7 listapada ŭ Biełarusi było zatrymana nie mienš za 116 čałaviek. Stolki imion zatrymanych sabrali pravaabaroncy «Viasny» i telehram-kanał @Spiski_Okrestina.
Bolšaść zatrymanych skłali miedyki — u Minsku ich zatrymali 60.
Akramia taho, na praśpiekcie Niezaležnaści ŭ Minsku zatrymali nie mienš za 34 žančyny, jakija hulali z kvietkami abo klanovym liściem.
Siarod zatrymanych u subotu — žurnalistka «Našaj Nivy» Kaciaryna Karpickaja, jakaja aśviatlała situacyju ŭ centry stalicy.
A ŭviečary ŭ Minsku adbyłosia čarhovaje palavańnie na muzykaŭ, što vystupajuć u minskich mikrarajonach. Byli zatrymanyja viadomy saksafanist Pavieł Arakielan i kultavy biełaruski muzyka z afrykanskimi karaniami Andruś Takindanh.
7 listapada ŭ Breście zatrymany Piatro Papčanka. Paśpieŭ dasłać sms «Mianie zabrali», ciapier telefon niedasiažny. Abstaviny zatrymańnia pakul nieviadomyja.
Uviečary ŭ Kamiancy (Bresckaja vobłaść) zatrymali troch čałaviek: Aksanu Starun, Dzianisa Całycha, Juliju Mielichavu.
U Mahilovie zatrymany Puchaŭ Artur.
Takim čynam, usiaho pa stanie na viečar 7 listapada ŭ Biełarusi za čas pratestaŭ adbyłosia, jak minimum, 16 829 zatrymańniaŭ (ličba niapoŭnaja). Heta samyja maštabnyja palityčnyja represii ŭ Jeŭropie za apošnija 40 hadoŭ.