Mieduniviersitet abvierh infarmacyju ab adnaŭleńni adličanych studentaŭ
Rektarat univiersiteta abviarhaje infarmacyju ab «adnaŭleńni studentaŭ, jakija hruba parušyli adukacyjny praces», havorycca ŭ paviedamleńni na sajcie VNU.
Rektarat Biełaruskaha dziaržaŭnaha miedycynskaha ŭniviersiteta ažyćciaŭlaje detalovaje vyvučeńnie ŭsich abstavinaŭ i pryčyn, jakija zaachvocili niekatorych studentaŭ parušyć adukacyjny praces va ŭstanovie adukacyi, skazana ŭ paviedamleńni administracyi.
Administracyja BDMU zajaviła, što «ŭ adpaviednaści z ustanoŭlenym zakanadaŭstvam, pa vynikach analizu situacyi ŭ dačynieńni da kožnaha studenta, jaki praviniŭsia, buduć pryniaty miery dyscyplinarnaha ŭździejańnia».
U paviedamleńni skazana što, «infarmacyja, raźmieščanaja na niekatorych internet-resursach, źjaŭlajecca fejkam. Rektarat univiersiteta na siońnia abviarhaje infarmacyju ab adnaŭleńni tych studentaŭ, jakija hruba parušyli adukacyjny praces».
Nahadajem, na minułym tydni ź mieduniviersiteta, pavodle samich studentaŭ, adličyli 21 čałavieka. Na hetym tydni, paviedamili navučency, bolšaść ź ich viarnulisia na pary. Ich vyklikali na razmovu ŭ VNU, dzie paviedamlali, što jany nie byli adličanyja. Administracyja BDMU nijak nie kamientavała situacyju.
