Kali čakać vynikaŭ vybaraŭ u ZŠA. Moža ŭžo pad noč
Bajdenu dla pieramohi treba sabrać hałasy jašče 17 vybarščykaŭ, Trampu — 56. Ciapier lik 253 na 214 (Fox News addaje Bajdenu jašče 11 hałasoŭ u Aryzonie, ale nie ŭsio tak prosta).
Samy chutki šlach da raźviazki — Piensilvanija (20 vybarščykaŭ), Aryzona (11) i Nievada (6). Usiudy lidziruje Bajden.
Ad troch inšych štataŭ čakać asabliva niama čaho: na Alascy (3) i ŭ Paŭnočnaj Karalinie (15) u Bajdena niama šancaŭ, a Džordžyja (16) budzie pieraličvać hałasy. A heta nadoŭha.
Kali čakać vynikaŭ
Nievada: nie raniej za ranicu pa miascovym časie (poźni viečar u Minsku). Tam padličana pakul 93% biuleteniaŭ, u Bajdena 49,8%, u Trampa 48,0%, razryŭ — amal 23 tysiačy hałasoŭ. Abiacajuć publikavać novyja źviestki dvojčy ŭ dzień.
Piensilvanija: tut zastałosia paličyć vialikija harady, ale Pitsburh i Fiładelfija spynili padlik bližej da nočy napiaredadni i adnoviać jaho tolki ranicaj (rańni viečar — u Minsku). Čynoŭniki ŭ najbujniejšym horadzie — Fiładelfii — abiacajuć ukłaścisia ŭ niekalki dzion. Padličana 96%, Bajden 49,6%, Tramp 49,1%, razryŭ — amal 29 tysiač.
Aryzona: bujnaja i važnaja staličnaja akruha štata abiacaje novuju porcyju vynikaŭ kala 19.00 pa minskim časie (16.00 GMT). Padličana 97%, Bajden 49,6%, Tramp 48,7%, razryŭ — amal 29 tysiač.
