Łukašenka na adkryćci BiełAES: Biełaruś stanovicca jadziernaj dziaržavaj
BiełTA
Alaksandr Łukašenka naviedvaje Biełaruskuju atamnuju elektrastancyju ŭ Astravieckim rajonie. Papiarednie jon ahledzieŭ terytoryju stancyi ź viertalota, piša BiełTA.
Łukašenka nazvaŭ zapusk Biełaruskaj atamnaj elektrastancyi histaryčnaj padziejaj u žyćci krainy. «Usio tak budzionna, jak byccam mietro pabudavali. Histaryčny momant — kraina stanovicca jadziernaj dziaržavaj», — skazaŭ jon.
Akramia biełaruskich aficyjnych asob, siarod udzielnikaŭ mierapryjemstva — dziaržaŭny sakratar Sajuznaj dziaržavy Hryhoryj Rapota, hienieralny dyrektar «Rasatama» Alaksiej Lichačoŭ i pasoł Rasii Dźmitryj Mieziencaŭ.
U vučebna-trenirovačnym centry BiełAES Łukašenku prainfarmujuć ab chodzie rabot pa ŭvodu stancyi ŭ ekspłuatacyju i jaje intehracyi ŭ ekanomiku krainy, pierśpiektyvach supracoŭnictva dziaržkarparacyi «Rasatam» ź Biełaruśsiu ŭ halinie jadziernaj enierhietyki, navuki i technałohij, chodzie realizacyi kompleksnaha płana raźvićcia rehijonu budaŭnictva AES.
Zatym Alaksandr Łukašenka aznajomicca z abjektami BiełAES, u tym liku naviedaje budynak Upraŭleńnia pieršaha enierhabłoka, dzie, jak płanujecca, daść dazvoł na ŭzdym elektryčnaj mahutnaści enierhabłoka (da 400 MVt) u adpaviednaści z etapnaj prahramaj.
Čakajecca, što Łukašenka taksama budzie prysutničać na mitynhu z udziełam pradstaŭnikoŭ pracoŭnaha kalektyvu i budaŭnikoŭ Biełaruskaj AES, dadaje BiełTA.
