U Žłobinie na čatyroch supracoŭnikaŭ BMZ, jakija zładzili strajk, zaviali kryminalnuju spravu. Im pahražaje da troch hadoŭ turmy
U Žłobinie raspačali kryminalnuju spravu na čatyroch supracoŭnikaŭ BMZ, jakija ładzili strajk u žniŭni. Ich abvinavačvajuć u «arhanizacyi i padrychtoŭcy dziejańniaŭ, što hruba parušajuć hramadski paradak, albo aktyŭny ŭdzieł u ich». Pakarańnie pa hetym artykule praduhledžvaje da troch hadoŭ pazbaŭleńnia voli, paviedamlajuć Mocnyja naviny.
Kala 400 rabočych BMZ 17 žniŭnia papiaredzili pra strajk. Rabočyja pajšli pa cechach i pačali spyniać transpart. Nieŭzabavie supracoŭniki BMZ paviedamili, što im udałosia prypynić pracu troch piečaŭ. Zbor podpisaŭ za zakonny strajk pradoŭžyŭsia. Užo ŭ 17.00 mietałurhi vyzvalili darohu technałahičnamu transpartu, tym samym daŭšy mahčymaść padvieźci syravinu da piečaŭ i znoŭ ich raspalić.
6 listapada stała viadoma, što na čaćviarych rabotnikaŭ BMZ zaviali kryminalnuju spravu za padziei 17 žniŭnia. Śledčy kamitet acaniŭ straty zavodu ad dziejańniaŭ rabočych u 1088 rubloŭ 29 kapiejek.
