Syn Stanisłava Šuškieviča asudžany na 10 sutak za reposty ŭ fejsbuku
4 listapada la padjezda ŭłasnaha doma byŭ zatrymany 36-hadovy pradprymalnik Stanisłaŭ Šuškievič, syn pieršaha kiraŭnika Biełarusi. Hetuju infarmacyju «NN» paćvierdziła mama Stanisłava, spadarynia Iryna.
Stanisłaŭ Šuškievič-małodšy. Fota z vk.com.
Sprava ŭ tym, što zajavu na Šuškieviča-małodšaha napisaŭ učastkovy, jahonuju ŭvahu pryciahnuli reposty, jakija rabiŭ Stanisłaŭ na staroncy ŭ fejsbuku. U vyniku mužčynu asudzili na 10 sutak, ciapier jon adbyvaje pakarańnie ŭ CIP na Akreścina.
«Ja nie viedaju, što tam byli dakładna za reposty, ale jon suprać hetaha režymu i nie chavaje hetaha», — kaža maci.
Papytalisia my ŭ spadaryni Iryny, jak ciapier pačuvajecca Šuškievič-starejšy. «Balać nohi, praz heta pieražyvaje, što nie moža ŭ šeściach udzielničać, ale ŭsio adno choča tudy».
