«Łuchta heta poŭnaja». Kreml — pra čutki ab chvarobie Pucina
kremlin.ru
Pres-sakratar prezidenta Rasii Dźmitryj Piaskoŭ nazvaŭ «poŭnaj łuchtoj» artykuły zachodnich tabłoidaŭ, jakija paviedamili ab tym, što Uładzimir Pucin nibyta źbirajecca daterminova syści ŭ adstaŭku z-za chvaroby, piša meduza.io.
«Nu vy viedajecie, tut asabliva kamientavać niama čaho. Łuchta heta poŭnaja. U prezidenta ŭsio dobra. Zdaroŭje chvackaje», — skazaŭ Piaskoŭ u razmovie z žurnalistami, dadaŭšy, što prezident nie źbirajecca sychodzić u adstaŭku.
5 listapada brytanski tabłoid The Sun paviedamiŭ, što Uładzimir Pucin maje namier u pačatku 2021 hoda pakinuć pasadu prezidenta Rasii praz prablemy sa zdaroŭjem: nibyta ŭ jaho vyjaŭlenyja simptomy chvaroby Parkinsana. Śćviardžeńni ŭ artykule vydańnia budujucca na słovach palitołaha Valeryja Sałaŭja. Hety materyjał pieradrukavali inšyja zachodnija tabłoidy, u tym liku Daily Mail i New York Post.
