Łukašenka pra zamiežnuju dapamohu dla baraćby z kavidam: Jany nas nie vylečać, im patrebnyja bardak, miaciež
Łukašenka zaklikaje nie raźličvać na zamiežnuju dapamohu ŭ baraćbie z COVID-19 i aryjentavacca na ŭłasnyja siły. Pry hetym, usiamierna akazvajučy nieabchodnuju miedycynskuju dapamohu ludziam, skancentravacca nieabchodna na asnoŭnych napramkach, piša BiełTA.
«Tam ža nam abiacali z-za miažy jašče ŭ časy Uładzimira Ściapanaviča [Karanika] nie toje 50 miljonaŭ, nie toje 150 padkinuć na lačeńnie. Praŭda, skazali, što buduć hramadzianskuju supolnaść lačyć… — zaŭvažyŭ Łukašenka. — Jany nas nie vylečać. Im patrebnyja bardak, miaciež. Navat nie revalucyja, a pieravarot. Tamu na ich raźličvać nie treba».
«My pavinny sami lačyć svaich ludziej. Ale pry hetym prašu ŭličyć, što adzin dzień lačeńnia chvorych na COVID-19 abychodzicca, śpiecyjalisty mnie dakładvajuć, ad 90 da 220 rubloŭ. Adzin dzień! Heta vialikija hrošy. Tamu ja paklikaŭ siudy hubiernataraŭ. Heta vaš najpieršy abaviazak — ličyć hrošy. Lišnich hrošaj u krainie niama», — zajaviŭ Alaksandr Łukašenka.
