Ajcišnicu ź miaciežnaha doma zaprasili ŭ palikliniku — doktar adpuściŭ praz 2 chviliny, a na vychadzie milicyja zabrała na 15 sutak
Kaciaryna Žylinskaja — 24-hadovaja ajcišnica, žyvie ŭ «miaciežnym» domie na Prytyckaha, 97.
Žychary ŭpryhožvajuć dvor u bieły i čyrvony kolery, zamianili lampački na placoŭkach, jakija vychodziać na vulicu, kab atrymlivaŭsia bieła-čyrvona-bieły ściah padśvietki.
Mnohija žychary doma prajšli praz sutki, ich zabirali prosta z vulic. A voś Žylinskuju zatrymali vielmi nietypova i, vyhladaje, sa spryjańniem miedykaŭ.
Sa słovaŭ blizkaj siabroŭki i kalehi Natalli, Kaciaryna chvareła na karanavirus i była doma ŭ izalacyi bolš za dva tydni.
Balničny skančaŭsia ŭ aŭtorak. Ranicaj Kaciaryna pajšła ŭ palikliniku №31 na Burdziejnaha, kab zakryć balničny, zakryła i viarnułasia dadomu. Paśla čaho joj pazvanili z palikliniki i paprasili zajści jašče raz razam z balničnym — nibyta zastalisia niejkija dakumienty i pytańni, jakija zabyli vyrašyć pieršy raz.
«Jak potym Kacia kazała na sudzie, u paliklinicy doktar litaralna dźvie chviliny pakruciŭ u rukach jaje balničny i viarnuŭ joj, jana pacisnuła plačyma i pajšła dadomu, a na vychadzie z palikliniki da jaje padyšli supracoŭniki milicyi i zabrali ŭ RUUS. Jana pierapytała, ci zatrymańnie heta, joj adkazali što nie, «prosta razmova», — raskazała Natalla.
Z adździaleńnia milicyi dziaŭčyna ŭžo nie vyjšła.
4 listapada byŭ sud — 15 sutak. Rašeńnie vyniesła sudździa Ała Bušava.
Na nastupny dzień paśla płanujemaha vychadu z sutak Kaciaryna adśviatkuje svajo 25-hodździe.
