Na ŭsioj terytoryi Italii z-za karanavirusa ŭviali kamiendanckuju hadzinu
ASNA
Ułady Italii z-za raspaŭsiudžvańnia karanavirusa ŭviali kamiendanckuju hadzinu na ŭsioj terytoryi krainy: žycharam zahadana znachodzicca ŭ svaich damach z 22:00 da 5:00. Adpaviedny ŭkaz padpisaŭ premjer-ministr Džuzepe Konte, piša meduza.io.
Akramia hetaha, u krainie buduć začynienyja muziei i vystavy, a starejšyja kłasy škoł pieraviaduć na dystancyjnaje navučańnie. Handlovyja centry nie buduć pracavać pa vychadnych.
Pravincyi i rehijony krainy buduć padzieleny na try zony ryzyki — nizkuju, siaredniuju i vysokuju. U rehijonach z vysokim i siarednim uzroŭniem ryzyki buduć dziejničać dadatkovyja abmiežavańni, u tym liku na pieramiaščeńnie pamiž imi.
Novyja abmiežavańni pačynajuć dziejničać z 4 listapada i praciahnucca jak minimum miesiac.
Rezki rost zachvorvańnia na karanavirus u Italii pačaŭsia ŭ druhoj pałovie kastryčnika — za dva tydni kolkaść štodnia fiksavanych novych vypadkaŭ pavialičyłasia z 10 da 30 tysiač.
