Za narkotyki asudzili byłych prakuroraŭ: adzin źbiraŭ hryb «Strafaryja haŭnianaja», druhi patraciŭ 500 rubloŭ na marychuanu
U sudzie Frunzienskaha rajona Minska 3 listapada vynieśli prysudy trom abvinavačanym pa 328 artykule.
Dvoje ź ich — byłyja prakurory Alaksiej Jerafiejeŭ (namieśnik prakurora Savieckaha rajona) i Jaŭhien Maisiejenka (namieśnik prakurora Leninskaha rajona), ich zatrymali ŭ krasaviku 2020 hoda.
U rašeńni suda tłumačycca, što Jerafiejeŭ źbiraŭ hryb «Psiłacybie navoznaja» (jon raście ŭ hnai, druhaja nazva — «Strafaryja haŭnianaja»), sušyŭ i ŭžyvaŭ.
Fota: https://wikigrib.ru
A Maisiejenka pieryjadyčna kuplaŭ dla siabie i Jerafiejeva amfietamin i marychuanu, niejak za adnu pakupku addaŭ 510 rubloŭ.
Padkreślivajecca, što prakurory trymali narkotyki pry sabie i pierasoŭvalisia ź imi pa Minsku.
Abodvuch byłych prakuroraŭ sudzili pa pieršaj častcy artykuła 328 i prysudzili try hady kałonii ahulnaha režymu, pry hetym pa adnym hodzie kožnamu skasoŭvaje amnistyja.
A voś treci čałaviek, niechta «K.», jaki prachodziŭ ź imi pa adnoj z spravie jak pradaviec, mieŭ treciuju častku artykuła 328. Jon atrymaŭ vosiem z pałovaj hadoŭ kałonii ŭzmocnienaha režymu, a taksama štraf 1080 rubloŭ.
