«Adčuvańnie, što pryjechali śpiecyjalna pa ich». Paśla dvaravoha kancerta zatrymali muzykaŭ hurtoŭ Vuraj, TonqiXod i Dee Tree
U minskim dvoryku za ŭniviersamam «Ryha» ŭ aŭtorak prachodziŭ viečarovy kancert. Z prajektam «Radyjo Karancin» da žycharoŭ rajona pryjechali muzyki Ivan Arcimovič (hurt Vuraj), Andrej Alaksiejenka (TonqiXod) i Filip Pietčanka (Dee Tree).
Ivan Arcimovič (źleva) i Filip Pietčanka.
Kancert prajšoŭ spakojna. Ludzi ŭžo razyšlisia, a muzyki nieśpiašajučysia źbiralisia i vyrašali pytańni. Raptam da ich padjechaŭ sini bus.
«Alaksiejenka siadzieŭ u mašynie, Vania Arcimovič stajaŭ pobač. Jon chacieŭ sastupić darohu busu. Ale ź jaho vyskačyli ludzi ŭ čornym. Zakryčali: «Usim stajać!» — apisvajuć vidavočcy.
Zdaryłasia heta niedzie ŭ 21:40.
«Było adčuvańnie, što śpiecyjalna pa ich pryjechali», — kažuć znajomyja muzykaŭ.
Pa jakim artykule ich zatrymali i kudy dastavili, siabram pakul nieviadoma.