Kačanava śćviardžaje, što ludzi sa štaba Babaryki prapanoŭvali pieraličyć hałasy ŭ abmien na spynieńnie pratestaŭ
Na sustrečy sa studentami BDU 3 listapada kiraŭnik Savieta Respubliki Natalla Kačanava zajaviła, što na jaje «vyjšli peŭnyja ludzi sa štaba Babaryki i ŭsich astatnich i prapanavali: my spynim hetyja akcyi, kali vy pieraličycie hałasy».
— Prezident kaža: «Adnaznačna, pieraličvajem». Na nastupny viečar jany kažuć: «Nie, adstavić. Heta ŭžo nie aktualna». Tamu viedajecie, chłopcy, vy šmat čaho nie viedajecie, — skazała Natalla Kačanava studentam.
Štab Viktara Babaryki abvierh słovy Natalli Kačanavaj pra toje, što niechta z kamandy źviazvaŭsia sa staršynioj Savieta Respubliki i prasiŭ pieraličyć hałasy vybarščykaŭ na prezidenckich vybarach u abmien na spynieńnie akcyj pratestu.
— Takoha nie było. Štab Babaryki nie telefanavaŭ i nie razmaŭlaŭ z Kačanavaj ni da, ni paśla vybaraŭ, — zajavili Tut.by u štabie eks-pretendenta na pasadu prezidenta.
