U Suśvietnaj arhanizacyi zdaroŭja papiaredzili ab krytyčnym etapie pandemii
U nastupnyja niekalki miesiacaŭ situacyja z raspaŭsiudžvańniem u śviecie karanavirusnaj infiekcyi COVID-19 budzie vielmi ciažkaj, papiaredziła pradstaŭnik Suśvietnaj arhanizacyi achovy zdaroŭja (SAAZ) u Rasii Mielita Vujnavič, piša TASS.
«U hłabalnym zrezie my znachodzimsia na krytyčnym etapie pandemii, asabliva ŭ Paŭnočnym paŭšarji», — skazała jana.
Vujnavič adznačyła, što kolkaść iznoŭ vyjaŭlenych vypadkaŭ COVID-19 praciahvaje raści, u toj čas jak kolkaść śmierciaŭ ad chvaroby «apošnim časam zastavałasia adnosna stabilnaj». Pry hetym pradstaŭnik SAAZ papiaredziła, što navat źjaŭleńnie vakcyn suprać COVID-19 i srodkaŭ lačeńnia chvaroby dazvolić pieramahčy infiekcyju tolki pry vykanańni šerahu ŭmoŭ.
«Hetyja srodki vyratavańnia žyćcia buduć pa-sapraŭdnamu efiektyŭnymi tolki ŭ tym vypadku, kali jany buduć dastupnyja dla najbolš uraźlivych na roŭnaj asnovie i adnačasova va ŭsich krainach», — patłumačyła Vujnavič.
Napiaredadni, 2 listapada, ab krytyčnaj situacyi z COVID-19 zajaviŭ kiraŭnik SAAZ Tedras Hiebreisus.
«Nastupiŭ krytyčny momant dla taho, kab dziejničać. Krytyčny momant dla taho, kab usie ludzi abjadnalisia dziela ahulnaj mety. Treba łavić mahčymaść, pakul jašče nie zanadta pozna», — skazaŭ kiraŭnik SAAZ.
