Łukašenka: Deficyt śviataroŭ za piacihodku treba likvidavać
Mitrapalit Vienijamin. Fota BiełTA
Pra heta Łukašenka zajaviŭ na sustrečy ź mitrapalitam BPC Vienijanimam, paviedamlaje pres-słužba.
Łukašenka zaŭvažyŭ, što ŭ niekatorych prychodach BPC niama nastajacielaŭ, i tam davodzicca nieści słužbu śviataram z susiednich chramaŭ. «A ludzi chočuć, kab śviatar jak doktar duchoŭny pastajanna tam byŭ», — padkreśliŭ jon.
Mitrapalit rastłumačyŭ, što takaja situacyja, jak praviła, składvajecca ŭ nievialikich vioskach, jakija nie mohuć utrymlivać śviatara.
«Značyć, my pavinny dapamahčy. Śviatar nikoli nie byŭ kłopatam i kłopatam dla dziaržavy. Tamu nam treba pradumać. Kali tam sapraŭdy maleńkaja viosačka, jaki sens trymać śviatara.
Chaj u jaho budzie prychod šyrej — dapuścim, u ramkach sielskaha savieta. Treba pahladzieć pa hetych strukturam, i my tut hatovyja padklučycca. Deficyt śviataroŭ za piacihodku treba likvidavać. Treba, kab u nas byli narmalnyja kadry», — padkreśliŭ kiraŭnik dziaržavy.