U Minsku znoŭ adklučali mabilny internet

pixabay.com

Ciažkaści hetym razam pačalisia raniej, kala 12.00.

Suviaź LTE praktyčna nie pracuje, praz 3G zahruzka źviestak taksama nie adbyvajecca. Z-za hetaha internet-staronki mohuć adkryvacca sa spaźnieńniem, albo nie adkryvacca zusim.

Ź miesiendžarami, adpaviedna, prablemy anałahičnyja — paviedamleńni mohuć nie adpraŭlacca i nie prychodzić, miedyjafajły ŭ ich — nie zahružacca.

Takija prablemy z mabilnym internetam u Minsku nie novyja. Jany ŭźnikajuć padčas pratestnych akcyj pa niadzielach u žniŭni, vieraśni i kastryčniku. Tady apieratary zajaŭlali, što «dostup abmiažoŭvaŭsia ŭ ramkach mierapryjemstvaŭ, jakija pravodziacca ŭpaŭnavažanymi dziaržaŭnymi orhanami».

Paśla 18:00 mabilny internet zapracavaŭ.

0

0

0

0

0

0