Na svabodu vyjšli čalcy KR Volha Šparaha i Julija Mickievič. U kamiery jany čytali lekcyi i pravodzili sieminary
Na svabodu paśla administracyjnaha aryštu vyjšli siabry Kaardynacyjnaj rady fiłosaf Volha Šparaha i hramadskaja aktyvistka Julija Mickievič.
Žančyny ŭvachodziać u fiem-hrupu Kaardynacyjnaj rady. Pra vyzvaleńnie paviedamiła ŭ fejsbuku paviedamiła Taćciana Karatkievič.
U adnoj kamiery ź imi była kapitan zbornaj pa rehbi Maryja Šakura. U intervju Tribuna.com jana padzialiłasia ŭspaminami:
«U aŭtorak [13 kastryčnika] mianie, Juliju Mickievič i jašče adnu dziaŭčynu pieraviali z Akreścina ŭ Žodzina. Pieršapačatkova nas źmiaścili ŭ kamieru na čatyry čałavieki, u sieradu da nas pieraviali Śviatłanu Hatalskuju [fiem-aktyvistka i siabra Kaardynacyjnaj rady]. Praz dva dni nas pieraviali ŭ bolšuju kamieru, dzie my sustreli Volhu Šparahu.
Zvyčajna z ranicy ja pravodziła zaradku. Potym, niezadoŭha da abiedu, u nas była lekcyja pa fiłasofii ad Volhi Šparahi. Paśla abiedu my ładzili roznyja abmierkavańni, sieminary, bližej da adboju śpiavali pieśni. Heta značyć, kampanija była dobraja», — raskazała Maryja Šakura.
