Bolš za 1000 miedykaŭ razam z akademikam Mročakam padpisali adkryty list za novyja vybary
Bolš za 1000 miedykaŭ padpisali adkryty list za novyja vybary i suprać hvałtu siłavikoŭ.
Miedycynskija rabotniki vystavili svaje patrabavańni ab spynieńni ahresii ŭ dačynieńni da mirnych hramadzian, ab rasśledavańni katavańniaŭ, ab vyzvaleńni palityčnych źniavolenych, zatrymanych hramadzian na mirnych pratestach. Ab pryciahnieńni da adkaznaści siłavych struktur i vykanaŭcaŭ zahadaŭ, ab svoječasovym akazańni miedycynskaj dapamohi dla źniavolenych, ab adnaŭleńni hramadzian na pracoŭnyja i navučalnyja miescy, jakija stracili ich pa palityčnych pryčynach, ab pryznańni vynikaŭ prezidenckich vybaraŭ niesapraŭdnymi i praviadzieńni novych sumlennych vybaraŭ u adpaviednaści ź mižnarodnymi standartami.
Siarod padpisantaŭ lista takija viadomyja ŭ miedycynie ludzi, jak Alaksiej Cyhanoŭ — doktar-epidemijołah, hałoŭny doktar; Alaksandr Mročak — doktar-kardyjołah, doktar miedycynskich navuk, prafiesar, akademik NAN Biełarusi, zasłužany dziejač navuki i mnohija inšyja pavažanyja biełaruskija daktary
Z poŭnym śpisam padpisantaŭ vy možacie aznajomicca tut.
