U Połacku mužčyna 8 hadoŭ chavaŭ u chlavie zabitaha sabutelnika
Zajava ab źniknieńni 30-hadovaha miascovaha žychara pastupiła ŭ Połacki RAUS jašče ŭ listapadzie 2014 hoda, paviedamlaje pres-słužba MUS.
Fota MUS
Apieratyŭniki vyvučyli asobu źnikłaha: złoŭžyvaŭ śpirtnym i pierabivaŭsia vypadkovymi zarobkami. Maci mužčyny pamierła šmat hadoŭ tamu, a baćka ź siamjoj nie pražyvaŭ i tolki časam naviedvaŭ syna. Padčas čarhovaha naviedvańnia susiedzi maładoha čałavieka raspaviali, što nie bačyli jaho ŭžo niekalki hadoŭ.
Milicyja šukała źnikłaha pałačanina praciahły čas. Tolki praz šeść hadoŭ syščyki vyśvietlili, što ŭ 2012 hodzie mužčynu zabiŭ jaho 55-hadovy znajomy, jaki schavaŭ jaho ślady i zakapaŭ cieła ŭ siabie ŭ chlavie (trup byŭ znojdzieny 22 kastryčnika).
Złačynstva było ździejśniena padčas raśpivańnia śpirtnych napojaŭ i ŭźnikłaj svarki.