«Usio heta skončycca revalucyjaj, niečym dobrym». Lidara DDT Juryja Šaŭčuka ŭ Rasii praviarajuć na ekstremizm
Lidara hurta DDT Juryja Šaŭčuka ŭ Rasii praviarajuć pavodle artykuła ab «publičnych zaklikach da ažyćciaŭleńnia ekstremisckaj dziejnaści». Na muzyku napisali danosy ŭ Hienprakuraturu i Śledčy kamitet paśla jahonaha kancertu ŭ Dubai, paviedamlaje Mash.
Juryj Šaŭčuk. Fota: Wikimedia Commons
Na kancercie Šaŭčuk skazaŭ pramovu pra dźvie kancepcyi historyi.
«Jość dźvie kancepcyi histaryčnyja, jak žartujuć historyki. Pieršaja — što ŭsio spačatku było dobra, a potym usio dobraje zakančvajecca poŭnaj ch***ioj. A druhaja kancepcyja — što ŭsia voś hetaja łaža zakančvajecca niejkaj tam revalucyjaj, čymści dobrym», — adznačyŭ Šaŭčuk.
Muzyka adznačyŭ, što źjaŭlajecca prychilnikam druhoj kancepcyi, čaho žadaje i inšym.
Danos na Šaŭčuka napisaŭ staršynia «Rady baćkoŭ Rasii» Andrej Zhońnikaŭ. Akramia siłavikoŭ, muzyku praviaraje i Miniust: Šaŭčuka chočuć pryznać «zamiežnym ahientam».
Paśla taho, jak lidar DDT publična vystupiŭ suprać vajny, kancerty hurta ŭ Rasii stali masava admianiać. Akramia taho, Šaŭčuk atrymaŭ administracyjny pratakoł za «dyskredytacyju rasijskaj armii».
Čytajcie taksama:
Šaŭčuk uziaŭ na vokładku svajho alboma vaŭkoŭ Jakuba Kołasa
Juryja Šaŭčuka aštrafavali pa spravie ab dyskredytacyi rasijskaj armii
