MUS: Pratesty pierarastajuć u terarystyčnyja pahrozy
U MUS prakamientavali incydenty ŭ Žodzinie i Salihorsku. Havorka idzie ab paškodžańni dźviarej budynka prakuratury ŭ Žodzinie i padpale čatyroch aŭtamabilaŭ na parkoŭcy salihorskaj prakuratury. Na dumku viedamstva, pratesty pierarastajuć u terarystyčnuju pahrozu.
Niezadoŭha da hetaha nieviadomyja padpalili budynak mižrajonnaha adździeła Dziaržaŭnaha kamiteta sudovych ekśpiertyz u Salihorsku. U vyniku hetaha paškodzili adzin z kabinietaŭ.
Krynica ahniu była zaniesiena zvonku budynka praz pryadčynienaje akno. Na budynku znajšli nadpis «HołovaTY NEXT». Mahčyma, havorka idzie pra Ivana Hałavataha, kiraŭnika Biełaruśkaliju.
«Vidavočna, što ŭčarašnija tematyčnyja pratesty pierarastajuć u terarystyčnyja pahrozy. Supracoŭniki pravaachoŭnych orhanaŭ nie pakinuć biez uvahi ni adzin taki vypadak i prymuć usie miery dla spynieńnia i raskryćcia złačynstvaŭ!» — havorycca ŭ paviedamleńni MUS.
