Adnaho z najlepšych baskietbalistaŭ u historyi Biełarusi aštrafavali na 540 rubloŭ za ŭdzieł u mitynhu
Fota fiederacyi baskietboła Biełarusi
Pasiadžeńnie prajšło ŭ sudzie Zavodskaha rajona Minska (sudździa — Žanna Chvajnickaja). U vyniku spartoŭca aštrafavali na 540 rubloŭ. Jaho pryznali vinavatym pavodle art. 23.34 KaAP (Udzieł u niesankcyjanavanym masavym mierapryjemstvie)
Mieščarakoŭ — udzielnik svabodnaha abjadnańnia spartsmienaŭ Biełarusi i adzin z padpisantaŭ lista z patrabavańniami da ŭładaŭ. Jon braŭ udzieł u niadzielnych maršach.
Jahoru — 44 hady. Hulaŭ za minski RTI, italjanskija «Avielina», «Arłandzina», hrečaskija «Makiedonikas», «Arys», turecki «Biešyktaš», rasijskija UNIKS, pieciarburhski «Spartak», ukrainski «Azoŭmaš» (staŭ čempijonam), byŭ čempijonam Jeŭropy siarod moładzi (1994).
Vystupaŭ za nacyjanalnuju zbornuju Biełarusi z 1995 da 2012 hoda, byŭ jaje kapitanam. Piać razoŭ pryznavaŭsia najlepšym baskietbalistam Biełarusi.
Raniej 15 sutak aryštu adsiadzieła najlepšaja baskietbalistka ŭ historyi krainy Alena Leŭčanka, jakaja taksama pratestavała suprać hvałtu ŭ Biełarusi. Pavodle druhoha pratakoła, jana taksama atrymała štraf 810 rubloŭ.
