Minčanka znajšła kala doma skrynki z radyjeaktyŭnymi płaścinami
Minčanka vyjaviła na terytoryi pryvatnaha domaŭładańnia radyjeaktyŭny pradmiet, paviedamlaje MNS.
Siońnia ŭ 11:13 na numar 101 pastupiła paviedamleńnie ab padazronym pradmiecie na terytoryi pryvatnaha domaŭładańnia na 4-m Radyjatarnym zavułku. Vyśvietliłasia, što pry praviadzieńni ziemlanych rabot 67-hadovaja haspadynia doma na jaho terytoryi vyjaviła płastykavy kruhły pradmiet.
U vyniku adkryćcia płastykavaha pradmieta byli vyjaŭlenyja dźvie mietaličnyja kruhłyja płaściny miednaha i sierabrystaha koleru, pa vynikach praviedzienych zamieraŭ: na pavierchni płaściny sierabrystaha koleru vyjaŭlena beta-vypramieńvańnie. Na adlehłaści 10 sm radyjacyjny fon adpaviadaje naturalnamu. Na pavierchni płaściny miednaha koleru vyjaŭlena alfa-vypramieńvańnie. Na adlehłaści 10 sm radyjacyjny fon adpaviadaje naturalnamu.
